გამოკითხულთა 38% უკმაყოფილოა „ლიბერთი ბანკის“ მომხმარებელთა მომსახურების გარემოთი
26.01.2024 ნახვები: 814
მომხმარებელთა მომსახურების გარემოთი უკმაყოფილო ბანკებს შორის ლიბერთი ბანკის და საქართველოს ბანკი ლიდერობენ.
საქართველოში საბანკო სისტემის მიმართ მოსახლეობის განწყობების შესწავლის მიზნით, „ნეიშენ ჯორჯიას“ დაკვეთით APPA-ს მიერ ჩატარებული კვლევის მიხედვით, რესპოდენტების 38% უკმაყოფილოა ლიბერთი ბანკის მომხმარებელთა მომსახურების გარემოთი.
საბოლოოდ მომხმარებელთა მომსახურების გარემოთი უკმაყოფილო ბანკების რეიტინგი ასე გამოიყურება:
ლიბერთი ბანკი - 38%
საქართველოს ბანკი - 20%
ბაზის ბანკი - 17%
პროკრედიტ ბანკი - 15%
თიბისი ბანკი - 10%
გამოკითხვა ჩაატარა კომპანიამ APPA, „ნეიშენ ჯორჯიას“ დაკვეთით.
გამოკითხვის მიზანს წარმოადგენდა იმ საბანკო დაწესებულებების გამოვლენა, რომლებიც ცალკეული მიმართულებებით რესპოდენტების/კლიენტების ნეგატური დამოკიდებულებებით სარგებლობენ.
გამოკითხვაში მონაწილეობდა 1369 რესპოდენტი, რომელთაც სხვადასხვა ეტაპზე შეხება - საქმიანი ურთიერთობა ჰქონდათ/აქვთ უმსხვილეს ქართულ ბანკებთან -საქართველოს ბანკი, თიბისი ბანკი, ლიბერთი ბანკი, ბაზის ბანკი, პროკრეტიდ ბანკი.
გამოკითხვა ჩატარდა 2023 წლის 15-25 დეკემბერს თბილისში, ქუთაისში, ბათუმში, ზუგდიდში, თელავში, გორში და რუსთავში.
გამოკითხულთა ასაკი - 24-60 წელი, სქესი - 52% მამაკაცი, 48% ქალი.
ძირითადი მიგნება -
- მოსახლეობაში ყველაზე ნეგატიური დამოკიდებულება „ლიბერთი ბანკისა“ და „საქართველოს ბანკის“ მიმართ არსებობს
ბანკებთან ურთიერთობის გამოცდილებიდან გამომდინარე რესპოდენტები ყურადღებას ამახვილებდნენ კონკრეტულ ნაკლოვანებებზე:
- მომხმარებელთა მომსახურეობის გარემო (ვიზუალური და ემოციური აღქმა); ბიუროკრატიული ბარიერები;
- მომსახურეობის/სერვისის მიღების ოპერატიულობა;
- კლიეტთან ურთიერთობის მოქნილობა;
- კლიენტისადმი კეთილგანწყობა (ემოციური აღქმა);
- სესხების გაცემის პროცედურებისა და პასუხის (დადებითი/უარყოფითი მნიშვნელობის გარეშე) ოპერატიულობა;
- კრედიტებთან დაკავშირებით რისკების განმარტებები;
- კლიენტის კეთილგანწყობა საბანკო დაწესებულების მიმართ და ა.შ.
