თეონა აქუბარდია - ხელმოწერები მიხეილ სააკაშვილის გასათავისუფლებლად არის „ნაციონალური ამომრჩევლისთვის“, მე მანდ არაფერ შუაში ვარ

როგორც ვხვდები, ხელმოწერები არის „ნაციონალური ამომრჩევლისთვის“, მე მანდ არაფერ შუაში ვარ, – ამის შესახებ ოპოზიციონერმა დეპუტატმა, თეონა აქუბარდიამ განაცხადა.

როგორც აქუბარდიამ აღნიშნა, გასაგებია, რომ „ნაციონალურმა მოძრაობამ“ რაღაც ქმედებები უნდა აჩვენოს მიხეილ სააკაშვილის გასათავისუფლებლად, თუმცა, მისი თქმით, ამას ხელმოწერები არ შველის.

„ის, რომ „ნაციონალურმა მოძრაობამ“ პროცესში რაღაც ქმედებები უნდა აჩვენოს მიხეილ სააკაშვილის გასათავისუფლებლად, გასაგებია. პრინციპში, ეს ჰქონდა დაპირება ახალ თავმჯდომარესაც და ამას პროცესში შედეგი ჯერჯერობით არ მოჰყოლია. შესაბამისად, ხელმოწერების შეგროვება პროცესის გაგრძელების მცდელობა მგონია. თუმცა, პრეზიდენტი რომ იწყალებს და ამას ხელმოწერები არ შველის, ეს გასაგებია. შესაბამისად, დაველოდოთ პრეზიდენტის გადაწყვეტილებას, რაც, მე არ ვფიქრობ, რომ ამ მოცემულობაში იყოს გარკვეულწილად ახლებურად წარმოჩენილი, ვიდრე ეს აქამდე იყო“, – განაცხადა აქუბარდიამ.