თბილისის მერის, კახა კალაძის განცხადებით, ტაქსების რეფორმის ფარგლებში, A კატეგორიის ტაქსის ნებართვის გააქტიურების ვადა პირველ აპრილს იწურება და თუ ამ პერიოდში არ გაიაქტიურებენ მესაკუთრეები ნებართვას, ის გაუქმდება და მისი აღდგენა შეუძლებელი იქნება.
როგორც მან თბილისის მუნიციპალიტეტის მთავრობის სხდომაზე განაცხადა, ამ დროისთვის, 20-21 ნებართვაა გაუაქტიურებელი.
„როგორც მოგეხსენებათ, გასული წლის პირველი აპრილიდან ამოქმედდა ტაქსების რეფორმის მესამე ეტაპი, რომელმაც საკუთრებაში დაუკანონა პირებს A კატეგორიის ტაქსის ნებართვები. აღნიშნული ნებართვების გააქტიურებისთვის რეფორმა ითვალისწინებდა ერთწლიან ვადას, რომელიც იწურება მიმდინარე წლის პირველ აპრილს.
ჯამში, 35 000-ზე მეტი A კატეგორიის ნებართვა არის გაცემული - ორი-სამჯერ მეტი, ვიდრე ამის საჭიროება არის ქალაქში, თუმცა მოქალაქეებს ჰქონდათ სურვილი, აეღოთ ეს ნებართვები. ამის მიუხედავად, დღეის მდგომარეობით, დაახლოებით 20 – 21 ათასი ნებართვა არის გაუაქტიურებელი.
მინდა, გაითვალისწინონ ამ ნებართვების მესაკუთრეებმა, რომ პირველ აპრილს გაუაქტიურებელი ნებართვები ავტომატურად გაუქმდება და მისი აღდგენა შეუძლებელი იქნება. შესაბამისად, ვისაც სურვილი გაქვთ, რომ შეინარჩუნოთ აღნიშნული ნებართვები, გაააქტიურეთ ისინი პირველ აპრილამდე. ამის შესახებ ინფორმაცია შეგიძლიათ მიიღოთ, როგორც შესაბამის ვებგვერდზე taxi.tbilisi.gov.ge ასევე, თბილისის მერიის ცხელ ხაზზე",- განაცხადა თბილისის მერმა.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
