სხვადასხვა ონლაინ მედიის რედაქტორი საქართველოს სახალხო დამცველის აპარატში დღეს პარლამენტის თავმჯდომარის, შალვა პაპუაშვილის წინააღმდეგ საჩივარს შეიტანს.
როგორც მათ პარლამენტთან მიმდინარე აქციაზე განაცხადეს, ამის მიზეზი არის შალვა პაპუაშვილის გადაწყვეტილება, რომლითაც უკვე მეორე დღეა საქართველოს პარლამენტში ონლაინ მედიას შესვლა შეზღუდული აქვს.
ონლაინ გამოცემის რედაქტორები და ჟურნალისტები მოითხოვენ, პარლამენტის თავმჯდომარის აღნიშნული ბრძანება დისკრიმინაციულად დადგინდეს.
„შალვა პაპუაშვილის უკანონო ბრძანებით, ორი დღის განმავლობაში არ გვიშვებენ საკანონმდებლო ორგანოს შენობაში აბსოლუტურად უსაფუძვლოდ და უკანონოდ. ბატონი პაპუაშვილის ეს გადაწყვეტილება არის აბსოლუტურად დისკრიმინაციული, ის გვდევნის ონლაინ მედიას იმის გამო, რომ "ქართული ოცნების" რუსული ნარატივისგან განსხვავებული მოსაზრებები გვაქვს "რუსულ კანონთან" მიმართებით. ამიტომ, ონლაინ მედიის რედაქტორებმა გადავწყვიტეთ და 6-ის ნახევარზე საქართველოს სახალხო დამცველის აპარატში შევიტანთ საჩივარს პარლამენტის თავმჯდომარის, შალვა პაპუაშვილის წინააღმდეგ. მოვითხოვთ დისკრიმინაციის დადგენას უმოკლეს ვადებში, რათა მუშაობის განახლების შესაძლებლობა მოგვეცეს",-განაცხადა ჟურნალისტმა, გელა მთივლიშვილმა.
ცნობისთვის, პარლამენტში დღეს უსაფრთხოების ყვითელი დონე მოქმედებს. შენობაში მუშაობის საშუალება მხოლოდ ტელევიზიების აკრედიტებულ ჟურნალისტებს მიეცათ, ხოლო სხვა მედიასაშუალებები საკანონმდებლო ორგანოში კვლავ ვერ შევიდნენ.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
