თელავის მუნიციპალიტეტის საკრებულოს დეპუტატმა და ფრაქცია “ქართული ოცნების” წევრმა, ლევან ბერძენიშვილმა, თელავის საკრებულოს დღევანდელ სხდომაზე მმართველ პარტიას მიმართა და რუსული კანონის ჩაგდებისკენ მოუწოდა. ბერძენიშვილი აცხადებს, რომ ემიჯნება “გამჭვირვალობის შესახებ” კანონის გატანას, რადგან მისი მიღების შემთხვევაში, “დავკარგავთ ყველაფერს, რაც ევროპას უკავშირდება”
“ცალსახად ვეწინააღმდეგები ამ კანონის ბოლომდე გატანას და მიღებას. ვინაიდან თეთრი სახლი, ევროკავშირი მოგვიწოდებს, 425 ხმით 25-ის წინააღმდეგ, ყველა პარტნიორი, ევროკავშირის ლიდერი ქვეყნების წარმომადგენლები გვეუბნებიან, რომ თუ ამ კანონს მიიღებთ, შესაძლოა, დაკარგოთ ვიზალიბერალიზაცია, დაკარგავთ კანდიდატის სტატუსს, დაკარგავთ ყველაფერს, რაც ევროპას უკავშირდება”, - განაცხადა “ოცნების” დეპუტატმა.
ბერძენიშვილმა განაცხადა, რომ კანონის მიღების შემთხვევაში იგი დატოვებს ფრაქცია “ქართულ ოცნებას” და საკრებულოში დაკავებულ თანამდებობას.
"ვდებ ფიცს, რომ თუ ეს არ მოხდება, დავტოვებ ფრაქცია “ქართულ ოცნებას”, დავტოვებ თანამდებობას. ამას გპირდებით”, - განაცხადა ლევან ბერძენიშვილმა.
ბერძენიშვილი თელავის მუნიციპალიტეტის საკრებულოში სამანდატო, საპროცედურო და იურიდიულ საკითხთა კომიტეტის თავმჯდომარის თანამდებობას 2021 წლის დეკემბრიდან იკავებს.
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
