პუტინმა დონბასში სამხედრო ოპერაცია დაიწყო
24.02.2022 ნახვები: 942
რუსეთის პრეზიდენტმა მიიღო გადაწყვეტილებმა დონბასში სამხედრო ოპერაციის დაწყების შესახებ. შესაბამისი განცხადება ვლადიმერ პუტინმა თანამემამულეებისადმი მიმართვაში გააკეთა.
„გარემოებები ჩვენგან მოითხოვს მოითხოვს გადამწყვეტ და დაუყოვნებლივ მოქმედებას.დონბასის სახალხო რესპუბლიკებმა დახმარების თხოვნით მიმართეს რუსეთს. ამასთან დაკავშირებით, გაეროს წესდების 51-ე მუხლის მე-7 ნაწილის შესაბამისად, ფედერაციის საბჭოს სანქციით და ფედერალური სათათბიროს მიერ რატიფიცირებული დსრ-თან და ლსრ-სთან მეგობრობისა და ურთიერთდახმარების ხელშეკრულებების შესაბამისად, მე მივიღე გადაწყვეტილება სპეციალური სამხედრო ოპერაციის ჩატარების შესახებ", - განაცხადა პუტინმა.
მისივე განცხადებით, რუსეთის გეგმას არ წარმოადგენს უკრაინის ოკუპაცია, თუმცა მოსკოვი შეეცდება მოახდინოს მისი დემილიტარიზაცია.
„მისი მიზანია (რუსული სპეცოპერაციის) ადამიანების დაცვა, რომლებიც რვა წლის განმავლობაში ექვემდებარებოდნენ შეურაცხყოფას, გენოციდს კიევის რეჟიმის მხრიდან და ამისათვის ჩვენ ვეცდებით უკრაინის დემილიტარიზაციას და დენაციფიკაციას, ასევე, იმათ პასუხისგებაში მიცემას ვინც ჩაიდინა სისხლიანი დანაშაულები მშვიდობიანი მოსახლეობის, მათ შორის რუსეთის ფედერაციის მოქალაქეების წინააღმდეგ", - განაცხადა პუტინმა.
