გვექნება განხილვა საქართველოსთან დაკავშირებით. გვსურს, რომ შესაძლებელი გავხადოთ ქართველი ხალხის მისწრაფების პატივისცემა, წინ წავიდნენ ევროპისკენ მიმავალ გზაზე, - ამის შესახებ საფრანგეთის საგარეო საქმეთა მინისტრმა, ჟან-ნოელ ბარომ ევროკავშირის საგარეო საქმეთა მინისტრების შეხვედრის დაწყებამდე ჟურნალისტებს განუცხადა.
„სწორედ ამ სულისკვეთებით ვმსჯელობთ, მივმართავთ საქართველოს ხელისუფლებას“, - აღნიშნა საგარეო უწყების ხელმძღვანელმა.
შეგახსენებთ, ევროკავშირის საგარეო საქმეთა საბჭოს დღევანდელ შეხვედრაზე, რომელიც ლუქსემბურგში იმართება, საქართველოს საკითხსაც განიხილავენ.
