პარლამენტმა მესამე მოსმენით მიიღო ცვლილებები „ადმინისტრაციულ სამართალდარღვევათა კოდექსში“, რომლის საფუძველზეც სიჩქარის გადაჭარბებისთვის დაწესებული სანქციების სისტემა იცვლება.
კანონპროექტს 80-მა დეპუტატმა დაუჭირა მხარი.
მიღებული ცვლილებების თანახმად, 15 კმ/სთ-ზე მეტი, მაგრამ არაუმეტეს 30 კმ/სთ-ით სიჩქარის გადაჭარბება 50 ლარით დაჯარიმდება. 30-დან 50 კმ/სთ-მდე გადაჭარბებისთვის ჯარიმა 100 ლარი იქნება, ხოლო 50 კმ/სთ-ზე მეტი სიჩქარით მოძრაობისთვის კვლავ 300-ლარიანი სანქცია იმოქმედებს.
ამ დრომდე მოქმედი წესით, 15-დან 40 კმ/სთ-მდე სიჩქარის გადაჭარბება 100 ლარით, ხოლო 40 კმ/სთ-ზე მეტით მოძრაობა 300 ლარით ჯარიმდებოდა.
ცვლილებები ძალაში კანონის გამოქვეყნების შემდეგ შევა.
