„ადმინისტრაციულ სამართალდარღვევათა კოდექსში“ შეტანილი ცვლილებების მიხედვით, სადისტრიბუციო ავტომობილებს ღამის საათებში BUS LANE-ის გამოყენების შესაძლებლობა ექნებათ.
კანონის თანახმად, 01:00 საათიდან 06:00 საათამდე სადისტრიბუციო მანქანებს ავტობუსების ზოლში გაჩერებისა და ტვირთის გადმოტვირთვის უფლება მიეცემათ.
შინაგან საქმეთა სამინისტროს მიერ დადგენილი წესებით განისაზღვრება ის პირობები, რომლებსაც ასეთი ტიპის სატრანსპორტო საშუალებები უნდა აკმაყოფილებდნენ.
ცვლილებები პარლამენტმა მესამე მოსმენით დაამტკიცა.
