აშშ-ის პრეზიდენტის, დონალდ ტრამპი მცდელობა, შეეზღუდა დაბადებისთანავე მოქალაქეობის მინიჭების პრინციპი, სასამართლოში წარუმატებლად დასრულდა. ამის შესახებ ტელეკომპანია CNN-ი იუწყება.
გამოცემის ინფორმაციით, აშშ-ის უზენაესი სასამართლო 6 ხმით 3-ის წინააღმდეგ მიღებული გადაწყვეტილებით ბათილად ცნო დონალდ ტრამპის აღმასრულებელი განკარგულება, რომელიც დაბადებისთანავე მოქალაქეობის მინიჭების შეზღუდვას ითვალისწინებდა.
სასამართლოს გადაწყვეტილებით ძალაში დარჩა საუკუნეზე მეტი ხნის განმავლობაში მოქმედი კონსტიტუციური პრინციპი, რომლის თანახმადაც, აშშ-ის ტერიტორიაზე დაბადებული ყველა პირი ამერიკის მოქალაქეა, მიუხედავად იმისა, არიან თუ არა მისი მშობლები აშშ-ის მოქალაქეები.
CNN-ის შეფასებით, ეს დონალდ ტრამპისთვის მნიშვნელოვანი სამართლებრივი და პოლიტიკური მარცხია, რადგან დაბადებისთანავე მოქალაქეობის შეზღუდვა მისი საიმიგრაციო პოლიტიკისა და წინასაარჩევნო კამპანიის ერთ-ერთი მთავარი დაპირება იყო.
ტრამპი აცხადებდა, რომ აღნიშნული ცვლილება ხელს შეუშლიდა ე.წ. „სამშობიარო ტურიზმს“ და ხელს შეუწყობდა როგორც არალეგალური, ისე ლეგალური მიგრაციის შემცირებას.
