ვენესუელაში დამანგრეველი მიწისძვრიდან ექვსი დღის შემდეგ მაშველებმა ნანგრევებიდან სამი წლის ბავშვი ცოცხალი ამოიყვანეს. ამის შესახებ BBC-ი იუწყება.
გამოცემის ინფორმაციით, ბავშვი იორდანიიდან ჩასულმა სამაშველო ჯგუფმა იპოვა და საავადმყოფოში გადაიყვანა.
ამასთან, ვენესუელაში მიწისძვრის შედეგად დაღუპულთა რაოდენობა 1 943-მდე გაიზარდა, დაშავებულია 10 000-ზე მეტი ადამიანი, ხოლო ათიათასობით ადამიანი ამ დრომდე უგზო-უკვლოდ დაკარგულად ითვლება.
NASA-ს თანამგზავრული მონაცემების პირველადი შეფასებით, სტიქიამ, სავარაუდოდ, 58 870 შენობა დააზიანა ან მთლიანად გაანადგურა.
გაეროს განცხადებით, დაზარალებულ რაიონებში ათიათასობით ადამიანს სასწრაფოდ ესაჭიროება საკვები, წყალი და თავშესაფარი.
შეგახსენებთ, ვენესუელაში ზედიზედ ორი ძლიერი მიწისძვრა მოხდა. პირველი 7.2 მაგნიტუდის სიმძლავრის იყო, ხოლო 39 წამის შემდეგ მას 7.5 მაგნიტუდის კიდევ უფრო ძლიერი მიწისძვრა მოჰყვა.
