უკრაინის სპეციალური ოპერაციების ძალების განცხადებით, რუსეთის უდიდეს ნავთობგადამამუშავებელ ქარხანაზე, ქალაქ ომსკში, წარმატებული დარტყმა განხორციელდა.
უკრაინული მედიის ცნობით, ეს პირველი შემთხვევაა, როდესაც უკრაინის სპეციალური ოპერაციების ძალებმა ომსკის ნავთობგადამამუშავებელ ქარხანას შეუტიეს.
სპეციალური ოპერაციების ძალების ინფორმაციით, იერიში უპილოტო საფრენი აპარატებით განხორციელდა. ქარხანა უკრაინის საზღვრიდან დაახლოებით 3 000 კილომეტრის დაშორებით მდებარეობს.
უკრაინული მედიის შეფასებით, ეს სრულმასშტაბიანი ომის დაწყების შემდეგ რუსეთის ტერიტორიაზე განხორციელებული ყველაზე შორეული დარტყმაა.
დარტყმის შედეგებისა და ქარხნისთვის მიყენებული ზიანის შესახებ დამატებითი ინფორმაცია ამ ეტაპზე არ გავრცელებულა.
