კოლუმბიის ოლქის სამედიცინო ექსპერტის წინასწარი დასკვნის თანახმად, ამერიკელი სენატორის, ლინდსი გრემი, უეცარი გარდაცვალების სავარაუდო მიზეზი გულის პრობლემაა. ინფორმაციას Politico ავრცელებს.
სენატორის ოფისის მიერ გამოქვეყნებული წინასწარი დასკვნის მიხედვით, გარდაცვალების მიზეზი იყო „აორტის დისექცია, რომელიც გამოწვეული იყო არტერიოსკლეროზული გულ-სისხლძარღვთა დაავადებით“.
„გარდაცვალების მოწმობაში გარდაცვალების მიზეზი მითითებული იქნება როგორც „დასაზუსტებელი“ მანამ, სანამ ტოქსიკოლოგიური და მიკროსკოპული კვლევები სრულად არ დასრულდება. აღნიშნული გამოკვლევების დასრულების შემდეგ სიკვდილის მოწმობა განახლდება, მასში აისახება გარდაცვალების საბოლოო მიზეზი და სათანადოდ განისაზღვრება გარდაცვალების გარემოება“, – ნათქვამია სენატორის ოფისის განცხადებაში.
შეგახსენებთ, ლინდსი გრემის გარდაცვალების შესახებ ინფორმაცია გუშინ გავრცელდა. სენატორი 71 წლის ასაკში, „ხანმოკლე და უეცარი ავადმყოფობის“ შემდეგ გარდაიცვალა.
