„კოალიცია ცვლილებისთვის“ ერთ-ერთ ლიდერს, ზურა (გირჩი) ჯაფარიძეს სკუტერით გადაადგილებისას მანქანა დაეჯახა. ამის შესახებ პოლიტიკოსი სოციალურ ქსელში წერს.
ჯაფარიძის განცხადებით, მას მოტეხილობა არ აქვს, თუმცა მიიღო ტვინის შერყევა და მომხდარის დეტალები არ ახსოვს.
„სკუტერზე მანქანა დამეჯახა. კარგად ვარ, მოტეხილობა არ მაქვს, დაჟეჟილობები მხოლოდ, ტვინის შერყევა მაქვს და რაღაცები არ მახსოვს, კლინიკაში ვარ კვლევებზე. პოლიცია მოვიდა, ამოვიღებთ კამერებსო. სად მოხდა, ვინ იყო, იქ რა მოხდა, არაფერი მახსოვს ჯერ.
პ.ს. კეთილს და ბოროტს ისევ ვარჩევ“, – წერს ზურა ჯაფარიძე.
პოლიტიკოსს გამოკვლევები კლინიკა „მედიქლაბში“ უტარდება. შემთხვევის გარემოებების დასადგენად პოლიცია ვიდეოსამეთვალყურეო კამერების ჩანაწერებს შეისწავლის.
