ენდი ბერნემი ოფიციალურად გახდა გაერთიანებული სამეფოს 59-ე პრემიერ-მინისტრი. ამის შესახებ BBC იუწყება.
ბუკინგემის სასახლის ინფორმაციით, ენდი ბერნემი მეფე ჩარლზ III-ს შეხვდა, რომელმაც მას ახალი მთავრობის ფორმირება ოფიციალურად დაავალა.
„მისმა უდიდებულესობამ აუდიენციაზე მიიღო პარლამენტის წევრი, ენდრიუ ბერნემი და სთხოვა მას ახალი ადმინისტრაციის ჩამოყალიბება. პარლამენტის წევრმა, ენდრიუ ბერნემმა, მიიღო მეფის შეთავაზება და პრემიერ-მინისტრად და ხაზინის პირველ ლორდად დანიშვნისას ხელზე აკოცა“, – ნათქვამია ბუკინგემის სასახლის განცხადებაში.
მანამდე ბუკინგემის სასახლეში იმყოფებოდა კირ სტარმერი, რომელმაც პრემიერ-მინისტრის თანამდებობა ოფიციალურად დატოვა.
