გაერთიანებული სამეფოს ახალმა პრემიერ-მინისტრმა ენდი ბერნემმა განაცხადა, რომ დღეს უკრაინის პრეზიდენტ ვოლოდიმირ ზელენსკისთან და აშშ-ის პრეზიდენტ დონალდ ტრამპთან გამართავს სატელეფონო საუბარს.
ბერნემის თქმით, ზელენსკისთან საუბრისას მკაფიოდ დაადასტურებს, რომ ლონდონის პოზიცია უკრაინის მიმართ არ შეიცვლება.
„დღეს, მოგვიანებით, პრეზიდენტ ზელენსკისთან საუბარში ნათლად დავაფიქსირებ, რომ არანაირი ცვლილება არ იქნება. მე მის გვერდით 100%-ით ვიქნები, ისევე როგორც კირ სტარმერი იყო“, – განაცხადა ენდი ბერნემმა.
მისივე თქმით, უკრაინის პრეზიდენტს კიდევ ერთხელ დაუდასტურებს, რომ დიდი ბრიტანეთის მხარდაჭერა ურყევი რჩება.
„პრეზიდენტ ზელენსკის ეჭვი არ შეეპარება, რომ დიდი ბრიტანეთის მხარდაჭერა კვლავ ურყევი და მტკიცეა“, – აღნიშნა გაერთიანებული სამეფოს პრემიერ-მინისტრმა.
