ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, კაია კალასმა, განაცხადა, რომ კოლუმბიაში მომხდარი დამანგრეველი მიწისძვრის შემდეგ ევროკავშირმა სამაშველო და ჰუმანიტარული ოპერაციების მხარდასაჭერად სატელიტური პროგრამა „კოპერნიკუსი“ აამოქმედა.
კალასის თქმით, მან კოლუმბიის საგარეო საქმეთა მინისტრს, ომარ ბულა ესკობარს, სტიქიის შედეგად დაღუპულთა გამო ღრმა მწუხარება და სამძიმარი გამოუცხადა.
„უზრუნველვყოფთ დაფინანსებას რეაგირების მხარდასაჭერად, მათ შორის წითელი ჯვრის მეშვეობით. ჩვენ ასევე გავააქტიურეთ ევროკავშირის კრიზისული საკონსულო დახმარების მექანიზმი, რათა დავეხმაროთ ევროკავშირის მოქალაქეებს, რომლებიც სტიქიის ზონაში აღმოჩნდნენ“, – წერს კალასი სოციალურ ქსელ X-ში.
ცნობისთვის, კოლუმბიაში გუშინ მომხდარ 7.4 მაგნიტუდის მიწისძვრას, ბოლო მონაცემებით, სულ მცირე 132 ადამიანი ემსხვერპლა, ხოლო 570 დაშავდა.
სტიქიის შემდეგ კოლუმბიის ხელისუფლებამ ქვეყნის მასშტაბით საგანგებო მდგომარეობაგამოაცხადა და დაზარალებულ რეგიონებში სამხედროები განალაგა. მიწისძვრის ეპიცენტრი ქვეყნის დასავლეთ ნაწილში, სან ხოსე დელ პალმარის რაიონში მდებარეობდა.
