პუბლიცისტი თაკო ჩარკვიანი სოციალურ ქსელში ირონიული პოსტით ეხმაურება ადამიანებს, რომლებიც, მისი შეფასებით, „მაღალ ღირებულებებზე“ საუბრობენ, თუმცა მათი მსჯელობა და პოზიციები ამ ღირებულებებს არ შეესაბამება.
ჩარკვიანი პოსტს პლასტიკური ქირურგიისა და სახის კორექციის თემით იწყებს და წერს, რომ ზოგადად მსგავსი პროცედურების წინააღმდეგი არ არის, თუმცა გადაჭარბებულმა ჩარევამ შესაძლოა სრულიად სხვა შედეგამდე მიიყვანოს ადამიანი.
„მე ზოგადად მომხრე ვარ სახის კორექციის და ვისაც როგორ სურს, მოიწესრიგოს. ხშირად მომწონს, პლასტიკურს რომ იკეთებენ ან ფილერს, ხშირად ლამაზია, ხან არ მომწონს — გადამეტებულია თითქოს... ისე არ უნდა აიქაჩონ ალბათ სახე, კანი, რომ ანატომია დაირღვეს. ნუ, მოკლედ რომ ავხსნა — ჭიპი შუაში, სახის მაგივრად არ აღმოჩნდეს“, — წერს ჩარკვიანი.
მისი თქმით, პრობლემა არა ადამიანის გარეგნობა, არამედ ის არის, როდესაც გარეგნულ ცვლილებას, მისი შეფასებით, აზროვნებისა და საუბრის ხარისხიც „მიჰყვება“.
„ჰაბიტუსი კი არ მაღელვებს, კაცო — ეგ რა ჩემი საქმეა. უბრალოდ მერე „უკანალით“ იწყებენ აზროვნებას და საუბარს, აი, ეგ არის შემაწუხებელი, თორემ სხვა კი არაფერი“, — წერს პუბლიცისტი.
ჩარკვიანი განსაკუთრებით ირონიულად აფასებს მათ, ვინც, მისი თქმით, ამგვარი რიტორიკის მიუხედავად, „მაღალ ღირებულებებზე“ საუბრობს.
„მოლაპარაკე „ტრაკუცუნები“ რთული სანახავი და მოსასმენია, ძალზე რთული, თან მაღალ ღირებულებებზე მოსაუბრე („ბუსტერის“ ამბიციებით) — მით უმეტეს“, — წერს ჩარკვიანი.
პუბლიცისტი პოსტს მეზობლის გამონათქვამის გახსენებით ასრულებს: „როგორც ჩვენი მეზობელი ძია ალექსი იტყოდა: „ტრ——კისკენ არის მაგათი საქმე, ტრ——კისკენ“. იუმორი გადაგვარჩენს“.
