„კომენდანტის საათი“ ძალაში რჩება
18.03.2021 ნახვები: 729
უწყებათშორისი საკოორდინაციო საბჭოს გადაწყვეტილებით, „კომენდანტის საათი" ძალაში რჩება, - ამის შესახებ საბჭოს სხდომის დასრულების შემდეგ მთავრობის ადმინისტრაციის ხელმძღვანელმა, ილია დარჩიაშვილმა განცხადა.
მისივე თქმით, ეს არის ყველაზე ქმედითი ბერკეტი, რომელიც ამცირებს მობილობას.
„ამ ეტაპზე, კვლავ ძალაში რჩება ღამით გადაადგილების შეზღუდვა, ჩვენ ვაკვირდებით ვითარებას და შემდეგ გადაწყვეტილებებს მივიღებთ არსებული ეპიდემიოლოგიური სურათის გათვალისწინებით და საფუძველზე", - განაცხადა ილია დარჩიაშვილმა.
შეგახსენებთ: 2020 წლის 28 ნოემბერს, სხვა შეზღუდვებთან ერთად, მთელი ქვეყნის მასშტაბით, 21:00-დან 05:00 საათამდე პირთა გადაადგილება როგორც ქვეითად, ისე სატრანსპორტო საშუალებითაც აიკრძალა. შეზღუდვების უმეტესობა მოხსნილია, თუმცა „კომენდანტის საათი" ისევ ძალაშია.
