ეს აჟიოტაჟი და ხმაური, რაც დაწყებულია ნამოხვანჰესზე, არის გაუგებარი, - ამის შესახებ საქართველოს პრემიერ-მინისტრმა ირაკლი ღარიბაშვილმა ენგურჰესზე სტუმრობისას განაცხადა.
მისივე თქმით, პროცესები, რომლებიც ჰესებთან დაკავშირებით საქართველოში ვითარდება, ჰიბრიდული ენერგეტიკული ომის გამოკვეთილ ნიშნებს შეიცავს.
"ნამახვანჰესი არის უაღრესად მნიშვნელოვანი პროექტი ჩვენი ქვეყნის ენერგოდამოუკიდებლობისთვის, ჩვენი ქართველი მეცნიერების მიერ არის დაწყებული მუშაობა 30-40 წლის წინ ნამახვანჰესზე. ის აჟიოტაჟი და ხმაური, რაც დაწყებულია არის გაუგებარი. მე მინდა გავმიჯნო მოსახლეობა, რომელიც გულწრფელადაა ჩართული პროტესტში და მეორეს მხრივ, ზოგი პოლიტიკურად ანგაჟირებული და ზოგი უცხო სახელმწიფოს მიერ წახალისებული და ინსპირირებული მოქალაქეები, რაც არის საგანგაშო. დღეს ჩვენ ვხედავთ ჰიბრიდული ენერგეტიკული ომის გამოკვეთილ ნიშნებს, ჩვენი ქვეყნის წინააღმდეგ. ჩვენი ქვეყნის ენერგოდამოუკიდებლობა პირდაპირ არის დაკავშირებული ჩვენი ქვეყნის დამოუკიდებლობასთან," - განაცხადა ირაკლი ღარიბაშვილმა.
ირაკლი ღარიბაშვილის თქმით, მოსახლეობის პროტესტის გათვალისწინებით მთავრობამ მიაღწია შეთანხმებას კომპანიასთან და კაშხლის მშენებლობის სამუშაოები 9-12 თვემდე შეაჩერა და კიდევ ერთხელ გადამოწმდება ყველაფერი, ასევე შემოწმდება გარემოზე ზემოქმედების ეფექტიც.
