2022 წლის იანვარ-მარტში ათი უმსხვილესი საექსპორტო ქვეყნის წილმა საქართველოს მთლიან ექსპორტში 77.2 პროცენტი შეადგინა. საქართველოს საგარეო ვაჭრობის შესახებ წინასწარ მონაცემებს სტატისტიკის ეროვნული სამსახური აქვეყნებს.
საქსტატის წინასწარი მონაცემებით, უმსხვილეს საექსპორტო სამეულში პირველ ადგილს ჩინეთი იკავებს – 220.0 მლნ. აშშ დოლარით, აზერბაიჯანი – 125.4 მლნ. აშშ დოლარითა და რუსეთი – 109.8 მლნ. აშშ დოლარით.
რაც შეეხება იმპორტს, უწყების მონაცემებით, იანვარ-მარტში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 65.1 პროცენტი შეადგინა. პირველ სამეულში შედიან თურქეთი – 463.2 მლნ. აშშ დოლარით, რუსეთი – 273.5 მლნ. აშშ დოლარითა და ჩინეთი – 241.9 მლნ. აშშ დოლარით.
ამასთან, საქსტატის ანგარიშის მიხედვით, 2022 წლის იანვარ-მარტში სასაქონლო ჯგუფებიდან საექსპორტო ათეულში პირველი ადგილი სპილენძის მადნებმა და კონცენტრატებმა დაიკავა 271.1 მლნ. აშშ დოლარით, რაც მთელი ექსპორტის 23.1 პროცენტს შეადგენს. მეორე ადგილს იკავებს ფეროშენადნობები 160.1 მლნ. აშშ დოლარით, ხოლო მესამე ადგილზეა მსუბუქი ავტომობილები 94.9 მლნ. აშშ დოლარით.
