დასავლეთ საქართველოს რეგიონებში - სამეგრელო, გურია, იმერეთი - ძლიერი ქარისგან მიყენებული ზარალის პირველადი შედეგები უკვე ცნობილია.
სამეგრელოში დაზიანებულია 600-ზე მეტი კერძო სახლისა და 36-ზე მეტი საცხოვრებელი კორპუსის სახურავი. ასევე, დაზიანებულია საჯარო სკოლების, საბავშვო ბაღების, ამბულატორიებისა და ადმინისტრაციული შენობების სახურავებიც. ელექტროენერგიის გარეშეა დარჩენილი 100-ამდე სოფელი, მიმდინარეობს აღდგენითი სამუშაოები.
გურიაშიც დაზიანებულია 100-ზე მეტი საცხოვრებელი სახლის სახურავი, მოგლეჯილია 50-მდე ხე. მწყობრიდანაა გამოსული ელექტროგადამცემი ხაზები და გაზსადენი მილები. ასევე, დაზიანებულია ეკლესიის და სკოლების შენობები.
იმერეთში სტიქიამ 500-მდე სახლის სახურავი დააზიანა, 135 სოფელს კი ელექტროენერგია არ მიეწოდება. დაზიანებულია მაგისტრალური გაზსადენი წყალტუბოს მიმართულებით და პრობლემებია გაზმომარაგების კუთხითაც. ასევე, წაქცეულმა ხეებმა ათობით ავტომობილი დააზიანა.
ქუთაისში კი 2500 აბონენტი წყლის გარეშეა დარჩენილი.
ყველა 24 საათიან რეგიონში მუშაობს შტაბები და მიმდინარეობს სალიკვიდაციო სამუსაოებები.
