ისრაელის ყოფილი პრემიერ-მინისტრი ნაფტალი ბენეტი აცხადებს, რომ რუსეთის პრეზიდენტმა ვლადიმერ პუტინმა მას პირობა მისცა, რომ არ მოკლავდა უკრაინის პრეზიდენტ ვოლოდიმირ ზელენსკის. ამის შესახებ სააგენტო Associated Press-ი წერს.
ხუთსაათიან ინტერვიუში, რომელიც ბევრ სხვა საკითხს შეეხო, ბენეტმა აღნიშნა, რომ მან ჰკითხა პუტინს იმის შესახებ, აპირებდა თუ არა უკრაინის პრეზიდენტის ვოლოდიმირ ზელენსკის მოკვლას.
”მე ვკითხე: გეგმავთ ზელენსკის მოკვლას?“ მან თქვა: „მე არ მოვკლავ ზელენსკის.“ მე ვუთხარი მას „ეს უნდა გავიგო, რომ შენ მაძლევ სიტყვას, რომ არ მოკლავ ზელენსკის“. მან თქვა: „მე არ ვაპირებ ზელენსკის მოკვლას”,- განაცხადა ბენეტმა.
ისრაელის ყოფილი პრეზიდენტის მტკიცებით, შემდეგ დაურეკა ზელენსკის, რათა შეეტყობინებინა პუტინის დაპირება.
"მისმინე, მე გამოვედი შეხვედრიდან, ის არ აპირებს შენს მოკვლას." ის მეკითხება, "დარწმუნებული ხარ?" მე ვუთხარი "100% ის არ მოგკლავს", - ამბობს ბენეტი.
შეგახსენებთ, ნაფტალი ბენეტი ლიდერებს შორის ერთ-ერთი იყო, რომელიც უკრაინაში რუსეთის ომის დასაწყისში, მოსკოვში, რუსეთის პრეზიდენტ ვლადიმერ პუტინს შეხვდა. მედია აღნიშნავს, რომ ბენეტის სამშვიდობო მცდელობებმა შედეგი არ გამოიღო.
