თურქეთსა და სირიაში ძლიერი მიწისძვრის შედეგად დაღუპულია 1400-ზე მეტ ადამიანი.
თურქეთის პრეზიდენტ რეჯეფ თაიფ ერდოღანის თქმით, ამ დროის მონაცემებით, მიწისძვრის შედეგად თურქეთში 912 ადამიანია დაღუპული და 5 385 დაშავებული.
საქართველოს საგარეო სამინისტროს ინფორმაციით, დაღუპულია საქართველოს ერთი მოქალაქე.
სირიის მხარეს მთავრობის მიერ კონტროლირებად ტერიტორიაზე დაღუპულია 237 ადამიანი, 150-მდე კი, მეამბოხეთა მიერ კონტროლირებად ტერიტორიაზე.
ორივე ქვეყანაში, დაშავებულია ათასობით ადამიანი.
მხოლოდ გაზიანტეპსა და კარამანმარასის პროვინციებში 900-მდე საცხოვრებელი სახლი განადგურდა.
მედიის ცნობით, უამრავი ადამიანი ამ დრომდე შენობების ნანგრევებშია მოყოლილი.
თურქეთში სტიქიამ ქვეყნის სამხრეთ აღმოსავლეთით მდებარე 10-ზე მეტი ქალაქი დააზარალა.
თურქეთის ვიცე-პრეზიდენტის ინფორმაციით, დღეს დილით თურქეთში მომხდარი ძლიერი მიწისძვრის შედეგად ქვეყნის ათ პროვინციაში 300-ზე მეტი ადამიანი დაიღუპა და 2 323 დაშავდა.
ადგილზე მობილიზებული არიან მაშველები, სამართალდამცავები და არმია.
აშშ-ის გეოლოგიური სამსახურის ცნობით, სტიქიის სიმძლავრე 7,8 მაგნიტუდას შეადგენდა.
