„მოეწყობა ერთი ცალკე სივრცე პედაგოგიური პერსონლისთვის, რომელთაც შეუძლიათ რეგისტრაციის გარეშე მობრძანდნენ და ჩაიტარონ ვაქცინაცია მათთვის სასურველ დროს, როგორც აქ, ასევე სხვა დაწესებულებებში, მთელი ქვეყნის მასშტაბით",-ამის შესახებ, ჯანდაცვის მინისტრის პირველმა მოადგილემ, თამარ გაბუნიამ განაცხადა.
მისივე თქმით, განსაკუთრებული ხელშეწყობა იქნება პედაგოგებისთვის, რადგან სასწავლო წელი უსაფრთხოდ დაიწყოს.
„დღეს მუშაობა დაიწყო ახალმა, მასიური ვაქცინაციის ცენტრმა სამედიცინო უნივერსიტეტის ტერიტორიაზე. როგორც იცით, განსაკუთრებით მნიშვნელოვანია ჩვენთვის ახალ სასწავლო წელს შევხვდეთ უსაფრთხო, სასკოლო გარემოში. ამდენად, სკოლის პერსონალის, პედაგოგიური პერსონალის, სხვა პერსონალის ვაქცინაციის ხელშეწყობა იქნება ძალიან მნიშვნელოვანი. ამ სივრცეში მოეწყობა ერთი ცალკე სივრცე პედაგოგიური პერსონლისთვის, რომელთაც შეუძლიათ რეგისტრაციის გარეშე მობრძანდნენ და ჩაიტარონ ვაქცინაცია მათთვის სასურველ დროს, როგორც აქ, ასევე სხვა დაწესებულებებში, მთელი ქვეყნის მასშტაბით, პედაგოგიურ პერსონალს ექნება განსაკუთრებული ხელშეწყობა იმისთვის, რომ მათი ვაქცინცია, რა თქმა უნდა, მათი გადაწყვეტილებით და ნებით მოხდეს შეუფერხებლად და არანაირი ადმინისტრაციული და ტექნიკური ბარიერი არ შეხვდეთ ვაქცინაციის პროცესში", - განაცხადა გაბუნიამ.
