თურქეთსა და სირიაში მიწისძვრის შედეგად გარდაცვლილთა რიცხვმა 19 700 ადამიანს გადააჭარბა. ინფორმაციას ამის შესახებ CNN ავრცელებს.
თურქეთის პრეზიდენტის რეჯეფ თაიფ ერდოღანის თქმით, თურქეთში გარდაცვლილთა რაოდენობა როგორც მინიმუმ 16 546 ადამიანს შეადგენს, კიდევ 66 132 კი დაშავებულია.
სირიის სახელმწიფო მედიისა და "თეთრი ჩაფხუტების" ინფორმაციით, ქვეყანაში გარდაცვლილთა რაოდენობა მინიმუმ 3 192 ადამიანამდე გაიზარდა, მათ შორისაა 1 930 გარდაცვლილი ოპოზიციის მიერ კონტროლირებად ტერიტორიებზე ქვეყნის ჩრდილოეთ-დასავლეთში და 1 262 გარდაცვლილი მთავრობის მიერ კონტროლირებად ტერიტორიებზე.
ჯამურად, თურქეთსა და სირიაში დაჭრილთა რაოდენობა 71 290 ადამიანს შეადგენს.
