იუსტიციის სახლებში გარკვეული სერვისების მიღება დროებით შეფერხებულია. ადმინისტრაციის განმარტებით, მიზეზი მათგან დამოუკიდებლად წარმოქმნილი გლობალური ტექნიკური ხარვეზია.
შეზღუდვა ეხება: საჯარო რეესტრის ეროვნული სააგენტოს, საქართველოს ეროვნული არქივის, აღსრულების ეროვნული ბიუროს და საქართველოს ნოტარიუსთა პალატის სერვისებს. ამასთან, ნაწილობრივ შეზღუდულია სახელმწიფო სერვისების განვითარების სააგენტოს მომსახურება.
"ხარვეზის აღმოსაფხვრელად მიმდინარეობს ინტენსიური სამუშაოები. სერვისების გაცემის პროცესის განახლებისთანავე ინფორმაცია განთავსდება იუსტიციის სახლის ოფიციალურ Facebook გვერდზე", - ნათქვამია განცხადებაში.
