მესამე ძალის დაბადების ამბიცია არ არის კარგი, სჯობს, პირველი ძალის ამბიცია გქონდეს და მაშინ იქნება მეტი შანსი, - განაცხადა დღეს 30 აგვისტოს, „გირჩის" ლიდერმა იაგო ხვიჩიამ.
„რაც შეეხება პერსპექტივებს, ეს ადამიანები ახლა იკრებენ ღონეს და დავაკვირდეთ, არჩევნებზე როგორი მოღონიერებული იქნებიან, მათ მხოლოდ წარმატებას ვუსურვებ. ყველა თამაშში შანსები დამოკიდებულია, როგორ ითამაშებ, ჩვენ ჯერ თამაში საერთოდ არ ვიცით, რადგან ყველა პარტია ბიუროკრატიული საბუთების შეგროვებით არის დაკავებული. სჯობს, თამაშს დავაკვირდეთ. ეს ადამიანები სხვადასხვა დროს ერთად იყვნენ, თანამშრომლობდნენ, მათი ურთიერთობების სიღრმე არ ვიცი, მაგრამ მგონი, თანამშრომლობის გამოცდილება აქვთ და ახლა ახალს არაფერს აკეთებენ", - განაცხადა იაგო ხვიჩიამ.
