დღეს მთელი დღე რომ დავკარგეთ კეზერაშვილზე, ხვალაც რომ დავკარგავთ, კეზერაშვილი ჭამოს ხალხმა? გელათი აღარ დაინგრევა? სასამართლოში კლანი აღარ არის? ეს საკითხები აღარ გვაინტერესებს? – ამის შესახებ „ნაციონალური მოძრაობის” თავმჯდომარემ, ლევან ხაბეიშვილმა ტვ „პირველის“ ეთერში განაცხადა.
როგორც ხაბეიშვილმა აღნიშნა, ეს არის თემიდან თემაზე ყურადღების გადატანა.
„თუ სადმე გამოძიება დაიწყება, დარწმუნებული ვარ, კეზერაშვილი თავისი ადვოკატებით თავის თავს აუცილებლად მიხედავს. ერთი კითხვა უნდა დავსვა, კეზერაშვილზე რომ ლაპარაკობენ, ისტერიკა აქვთ, მაინტერესებს, ამით ეშველება საქართველოს კანდიდატის სტატუსს? ამით ეშველება, კორუფციული სასამართლო რომ გვაქვს? ამით გელათს ეშველება? ამით რიკოთის უღელტეხილზე უბედურება რომ ხდება და ასობით მილიონია გაფლანგული და შეჭმული, ამას ეშველება? ეს არის კონკრეტული თემიდან თემაზე ყურადღების გადატანა და ამის გამოყენების მცდელობა. ქვეყანაში ბევრად მეტი პრობლემა გვაქვს, კეზერაშვილზე ვლაპარაკობთ. ათი წელია, კაცს საქართველოში ფეხი არ დაუდგამს, დათო მიხედავს თავის თავს“, – განაცხადა ლევან ხაბეიშვილმა.
