რუსეთის სათათბიროს დეპუტატის პირველი კომენტარი საქართველოსთან სავიზო რეჟიმის მოხსნის შემდეგ - ლეონიდ კალაშნიკოვი "ტვ პირველთან" პირდაპირ ამბობს, რომ პუტინის გადაწყვეტილება "ოცნების" ხელისუფლების პრაგმატული პოლიტიკის შედეგია. ოკუპანტი ქვეყნის წარმომადგენლის თქმით, აღნიშნული ცხოვრებას საქართველოს მილიონობით მოქალაქეს გაუმარტივებს.
ამასთან, კალაშნიკოვი აღნიშნავს, რომ რუსეთი საქართველოდან მომდინარე საფრთხეებსაც აცნობიერებს, თუმცა ამბობს, რომ ამ საკითხს სპეცსამსახურები გააკონრტოლებენ.
"მე დადებითად ვაფასებ, ამ გადაწყვეტილებას, ამ გადაწყვეტილების მიღმა იდგა ჩვენი კომიტეტის დიდი ძალისხმევა. ეს შეუმსუბუქებს ცხოვრებს, საქართველოს მილიონობით მოქალაქეს, რომელიც ცხოვრობს რუსეთში და იმ ნახევარ მილიონ ადამიანს, რომელიც ჩამოდის რუსეთში ტურისტული მიზნებით. ეს გადაწყვეტილება, რა თქმა უნდა, არის, მათ შორის, საქართველოს ხელისუფლების პრაგმატული პოლიტიკის შედეგი. ეს არ ნიშნავს, რომ უცებ მოგვარდება ურთიერთობები ჩვენსა და საქართველოს შორის პოლიტიკურ დონეზე. ჩვენ, რა თქმა უნდა, ვაცნობიერებთ რისკებს, მათ შორის, ტერორიზმის რისკებს, თუმცა ამ საკითხს მიხედავენ სპეცსამსახურები, - ამბობს კალაშნიკოვი.
