საქართველოს თავდაცვის მინისტრ ჯუანშერ ბურჭულაძისა და NATO-ს გენერალური მდივნის სპეციალურ წარმომადგენელთან, ხავიერ კოლომინასთან შეხვედრაზე აღინიშნა, რომ ურყევია NATO-ს მხარდაჭერა საქართველოს სუვერენიტეტისა და ტერიტორიული მთლიანობის მიმართ," - აღნიშნულია თავდაცვის სამინისტროს მიერ დღეს, 20 ოქტომბერს გავრცელებულ განცხადებაში.
NATO-ს გენერალური მდივნის სპეციალურ წარმომადგენელმა ხავიერ კოლომინამ ავღანეთში NATO-ს ეგიდით წარმოებულ მისიებში საქართველოს მნიშვნელოვანი როლზე ისაუბრა.
„შეხვედრაზე აღინიშნა ნატოს ურყევი მხარდაჭერა საქართველოს სუვერენიტეტისა და ტერიტორიული მთლიანობის მიმართ და ალიანსის პრაქტიკული დახმარების მნიშვნელობა, რაც ხელს უწყობს თავდაცვის რეფორმების ეფექტურად განხორციელებას და ნატო-სთან თავსებადობის გაძლიერებას. სამხრეთ კავკასიასა და ცენტრალურ აზიაში ნატოს გენერალური მდივნის სპეციალურმა წარმომადგენელმა განსაკუთრებით აღნიშნა ქართველი სამხედრო მოსამსახურეების ფასდაუდებელი წვლილი ავღანეთის ისლამურ რესპუბლიკაში ნატო-ს ეგიდით წარმოებულ მისიებში და საქართველოს მნიშვნელოვანი როლი ავღანეთიდან მოკავშირეებისთვის ტრანზიტისა და ევაკუაციის პროცესის წარმატებით უზრუნველყოფაში" - წერია თავდაცვის სამინისტროს მიერ გავრცელებულ განცხადებაში
ცნობისთვის: NATO-ს სპეციალური წარმომადგენელი აქამდე საქართველოში ჯეიმს აპატურაი იყო, ხავიერ კოლომინამ წინარმობედი 2021 წლის სექტემბერში შეცვალა.
