სავალდებულო აცრებს "ნეგატიური პროცესები მოჰყვება და პირიქით, ხელს შეუშლის ვაქცინაციის პროცესს", განაცხადა დღეს, 26 ოქტომბერს, ჯანდაცვის მინისტრმა ეკატერინე ტიკარაძემ.
ტიკარაძის განმარტებით, ის სავალდებულო ვაქცინაციას არ ეთანხმება.
"მე დარწმუნებული ვარ, რომ სავალდებულო ვაქცინაციას მოჰყვება ბევრად უფრო ნეგატიური პროცესები, რაც პირიქით, ხელს შეუშლის ვაქცინაციის პროცესს. აქედან გამომდინარე, არ ვეთანხმები და ვთვლი, რომ მნიშვნელოვანია მეტი კომუნიკაცია მოსახლეობასთან და არა იძულებითი წესის გამოყენება. ისევ და ისევ ვაქცინაციის პროცესის სასარგებლოდ", - ამბობს ტიკარაძე.
