ფარცხალაძის დაცვა მედიას ფიზიკურად გაუსწორდა, მათი სამიზნე "ტვ პირველი" და "ტვ ფორმულა" იყო - წართმეულია აპარატურა და მობილური ტელეფონიც
20.09.2023 ნახვები: 563
ოთარ ფარცხალაძის დაცვა შაბათის ფორმულას ჟურნალისტსაც გაუსწორდა ფიზიკურად - ამის შესახებ გიორგი თარგამაძის ფორმულას ეთერში დავით ქაშიკაშვილმა ისაუბრა.
"ჩვენს ჟურნალისტსაც კი სცემა მისმა დაცვამ სწორედ ამ მიზეზით, რომ ის ეუბნებოდა, რომ ქუჩა და გზა ვერ იქნება კერძო ტერიტორია და არ შეეპუა მათ უარს. ოთარ ფარცხალაძის სახლთა სანამ მივიდოდნენ, ფიზიკურ შეხლა-შემოხლასაც ჰქონდა ადგილი. იმდენად დაიძაბა სიტუაცია, რომ საბოლოოდ სასწრაფო დახმარების გამოძახების გახდა საჭირო, იმიტომ, რომ დაზიანება აქვს მარიამს თავზე", - თქვა დავით ქაშიკაშვილმა.
ჟურნალისტის თქმით, დაცვის გაღიზიანება ფარცხალაძის ადგილსამყოფელის შესახებ დასმულმა კითხვამ გამოიწვია.
ასევე სოციალურ ქსელში პოსტს, "ტვ პირველის" საინფორმაციოს უფროსი და "ნოდარ მელაძის შაბათის" წამყვანი, ნოდარ მელაძე ავრცელებს და წერს, რომ "ტვ პირველის" გადამღებ ჯგუფს ფარცხალაძის დაცვა ფიზიკურად გაუსწორდა, წაართვეს აპარატურა და ჟურნალისტს მობილური ტელეფონი.
"ოთარ ფარცხალაძის დაცვა თავს დაესხა, შაბათის ეთერის გადამღებ ჯგუფს, წაართვა სამაუწყებლო აპარატურა რომელსაც ამ დრომდე არ აბრუნებს.
