„ეროვნული შერიგების გზაზე დგას, უნდა რომ თანხმობა იქნეს მიღწეული, პირველ რიგში, ქართულ პოლიტიკურ ელიტაში, შემდეგ ხალხი იყო ამის მამოძრავებელი ძალა და ასეთ შემთხვევაში გამოვა ყველაფერი სასიკეთოდ, რაც ხალხს და საქართველოს სჭირდება," - განაცხადა დღეს, 3 ნოემბერს, უფლებადამცველმა ვალერი გელბახიანმა ციხეში მიხეილ სააკაშვილთან შეხვედრის შემდეგ.
„ჩვენი საუბრის ერთი ნაწილი ეხებოდა სწორედ სამართლებრივ პრობლემებს. ასევე, მას აინტერესებდა ამ სამართლებრივი პროცესების დაწყებიდან იქნება თუ არა ჩემი მზაობა, რომ ჩავერთო პროცესებში, რაზეც თანხმობა მივეცი," - განაცხადა გელბახიანმა.
შეგახსენებთ: საქართველოს მესამე პრეზიდენტი, მიხეილ სააკაშვილი 1-ელ ოქტომბერს დააკავეს და 34-ე დღეა, შიმშილობს.
„თვითონ არის სულიერად მხნედ, მაგრამ დასუსტებულია დაახლოებით, 20 კილოგრამი აქვს დაკლებული. ეროვნული შერიგების გზაზე დგას, უნდა რომ თანხმობა იქნეს მიღწეული პირველ რიგში ქართულ პოლიტიკურ ელიტაში, შემდეგ ხალხი იყო ამის მამოძრავებელი ძალა და ასეთ შემთხვევაში გამოვა ყველაფერი სასიკეთოდ, რაც ხალხს და საქართველოს სჭირდება. ხალხი თვითონ არის თავისი ბედის გადამწყვეტი. ეს არის აბსოლუტური ჭეშმარიტი პოზიცია, რომელსაც აცნობიერებს სწორედ ამ კუთხიდან, რომ ქართველმა ხალხმა უნდა გადაწყვიტოს თავისი ბედი და რაც შეეხება პოლიტიკოსებს, ისინი უნდა იდგნენ ქართველ ხალხთან ერთად და მათ შორის, მაგალითს აძლევს ის თავისი პირადი ქცევით, რომ ასეთი თავგანწირვით არის შესაძლებელი, რომ ხალხს რწმენა შევძინოთ, რომ ეს ბრძოლა ღირს - ეს არის მისი პოზიცია" - ამბობს გელბახიანი.
