ხვიჩა კვარაცხელია Globe Soccer Awards-ის საუკეთესო მამაკაცი მოთამაშის ნომინანტთა შორის დასახელდა, ლიონელ მესისა და კრიშტიანო რონალდოს გვერდით.
საქართველოს ნაკრებისა და „ნაპოლის“ფორვარდი 29 მოთამაშესთან ერთადაა წარდგენილი ყოველწლიურ დაჯილდოებაზე, სადაც პირველობისთვის იბრძვიან ერლინგ ჰალანდი, ლიონელ მესი, კილიან მბაპე, მოჰამედ სალაჰი, ვიქტორ ოსიმენი, ჰარი კეინი, ჯუდ ბელინგემი, ბუკაიო საკა, ანდრე ონანა, ლაუტარო მარტინესი, რობერტ ლევანდოვსკი, ლუკა მოდრიჩი, ილქაი გიუნდოგანი, ვინისიუს ჟუნიორი, ანტუან გრიზმანი.
სიაში ყველაზე მეტი, ცხრა მოთამაშე „მანჩესტერ სიტიდანაა“: როდრი, კევინ დე ბრუინი, ხულიან ალვარესი, ერლინგ ჰალანდი, ჯეკ გრილიში, ედერსონი, ბერნარდო სილვა, რუბენ დიაში და ფილ ფოდენი.
გასულ სეზონში კვარაცხელია სერია A-ს საუკეთესო მოთამაშედ და ჩემპიონთა ლიგის საუკეთესო ახალგაზრდა ფეხბურთელად დაასახელეს.
Globe Soccer Awards-ის ცერემონია 2024 წლის 12 იანვარს დუბაიში გაიმართება. ჯილდო 2011 წელს დაარსდა. მას შემდეგ მთავარი პრიზი ექვსჯერ კრიშტიანო რონალდომ მოიგო. საინტერესოა, რომ ლიონელ მესის, რომელმაც „ოქროს ბურთი“ და ფიფა-ს წლის საუკეთესო მოთამაშის ჯილდო ყველაზე მეტჯერ მოიპოვა, Globe Soccer Awards-ი მხოლოდ ერთხელ აქვს მოგებული.
ხვიჩა კვარაცხელიასთვის ხმის მიცემა შესაძლებელია ამ ბმულზე.
