ნატო-ს გენერალური მდივნის, იენს სტოლტენბერგის განცხადებით, უნგრეთის, სლოვაკეთისა და ნიდერლანდების ახალი პოლიტიკური პოზიციის მიუხედავად, ალიანსის მოკავშირეები უკრაინის დახმარებას განაგრძობენ.
კითხვაზე, შეიძლება თუ არა ითქვას, რომ უკრაინას დახმარება თანდათან ნელდება, იმის გათვალისწინებით, რომ სლოვაკეთი, ნიდერლანდები და უნგრეთი თავიანთ რიტორიკას ცვლიან, სტოლტენბერგმა უპასუხა:
„ჩვენ ვნახეთ, რამდენად მნიშვნელოვანია დახმარება. დავაკვირდი, რომ დახმარება უნდა გაიზარდოს და უნდა გაიზარდოს უზრუნველყოფის ტემპიც. ის ფაქტი, რომ ნატო-ს წევრები უზრუნველყოფენ მოწინავე რაკეტების, საჰაერო თავდაცვის სისტემების, თანამედროვე საბრძოლო ტანკების მიწოდებას - ეს ყველაფერი მნიშვნელოვანი თანამედროვე დახმარების მაგალითებია. დახმარებას ვუწევთ უკრაინას, რადგან ეს ჩვენი უსაფრთხოების ინტერესებშია. დარწმუნებული ვარ, რომ ნატო-ს მოკავშირეები გააგრძელებენ უკრაინისთვის არსებითი მხარდაჭერის აღმოჩენას“, - აღნიშნა სტოლტენბერგმა.
მისი თქმით, მოკავშირეები არა მხოლოდ სიტყვით, არამედ საქმითაც აჩვენებენ, რომ გააგრძელებენ უკრაინის დახმარებას.
