გარემოს ეროვნული სააგენტოს ინფორმაციით, 10 იანვარს დასავლეთ საქართველოში დროგამოშვებით მოსალოდნელია ღრუბლიანობის მომატება. ღამით და დღის მეორე ნახევრიდან უმეტეს რაიონში წვიმა, მთაში თოვლჭყაპი, ზოგან ძლიერი. ცვალებადი მიმართულების ქარი 10-15მ/წმ.
ჰაერის ტემპერატურა: დაბლობში ღამით +3, +8°, დღისით +6, +11°; მთაში ღამით -4, +1°, დღისით 0, +5°; მაღალ მთაში ღამით -9, -4°, დღისით -5, 0°.
აღმოსავლეთ საქართველოში - დროგამოშვებით ღრუბლიანობის მომატება. ღამით ზოგიერთ, დღის მეორე ნახევრიდან უმეტეს რაიონში ნალექი, მთაში თოვლის სახით, დღისით ზოგან შესაძლებელია ძლიერი და ნისლი. ცვალებადი მიმართულების ქარი 10-15მ/წმ. ჰაერის ტემპერატურა: ბარში ღამით +1, +6°, დღისით +2, +7°; მთაში ღამით -5, 0°, დღისით -1, +4°; მაღალ მთაში ღამით -10, -5°, დღისით -5, 0°.
თბილისში - დროგამოშვებით ღრუბლიანობის მომატება. წვიმა. დილით ნისლი.ღამით ჩრდილო-დასავლეთის ქარი 10-15 მ/წმ. ჰაერის ტემპერატურა: ღამით +4°, დღისით +6°.
