,,არა მონობას, თავისუფლება გიგის", ,,თავისუფლება უკანონოდ დატყვევებულ ბესო თამლიანს" , - ამ ბანერებით თბილისის საქალაქო სასამართლოს ეზოში, გიგი უგულავასა და ბესიკ თამლიანის მხარდასაჭერად, დღეს, 1-ელ დეკემბერს აქცია გაიმართა.
ცნობისთვის: გიგი უგულავა და ბესიკ თამლიანი 29 ნოემბერს, მიხეილ სააკაშვილის სასამართლო პროცესის მიმდინარეობისას დააკავეს. სასამართლო მათ პოლიციისადმი დაუმორჩილებლობას ედავება.
„მხარდაჭერას ვუცხადებთ ყველა იმ უკანონო პატიმარს, რომელიც ივანიშვილის პირადმა მონებმა დააკავეს აქციაზე, ყველას ნამდვილად ვერ დაგვიჭერენ, ეს არის ჩვენი თავისუფალი სიტყვა, რომელსაც ნებისმიერ ადგილას დავაფიქსირებთ და ამის გამო არ უნდა მოხდეს იმ აქტივისტების დაკავება, რომლებიც გამოხატავენ საკუთარ აზრს. გვსურს კიდევ ერთხელ დავაფიქსიროთ, რომ ყველა პოლიტპატიმარი იყოს თავისუფალი ამ ქვეყანაში", - განაცხადა აქციის ერთ-ერთმა მონაწილემ.
