„ „ნაციონალურ მოძრაობას" აქვს გასაანალიზებელი თავიანთი მმართველობის 9-წლიანი პერიოდი",- ამის შესახებ „ქართული ოცნების" გენერალურმა მდივანმა და დედაქალაქის მერმა, კახა კალაძემ ჟურნალისტებს ეროვნული შერიგების იდეასთან დაკავშირებით განუცხადა.
კალაძის თქმით, პირველ რიგში, „ნაციონალურმა მოძრაობამ" უნდა გააანალიზოს საკუთარი მმართველობის წლები.
„პირველ რიგში, ვფიქრობ, „ნაციონალურ მოძრაობას" აქვს გასაანალიზებელი თავიანთი მმართველობის 9-წლიანი პერიოდი, თუ რამხელა ტრაგედია იყო ეს ჩვენი ქვეყნისთვის, ჩვენი მოსახლეობისთვის. ეს იყო უმძიმესი 9-წლიანი პერიოდი, რომელიც საქართველოს უახლოეს ისტორიაში შევა როგორც ყველაზე მძიმე, ყველაზე ბოროტი, ყველაზე სისხლიანი. რაც შეიძლება რომ ადამიანმა გაიფიქროს, ყველაფერი იკადრეს და გაუკეთეს ჩვენი ქვეყნის მოსახლეობას. ეს არის უმძიმესი 9-წლიანი მმართველობის პერიოდი", - განაცხადა კალაძემ.
