სამოქალაქო აქტივისტები თბილისში, ერთდროულად რამდენიმე ლოკაციაზე არიან შეკრებილი და საპროტესტო აქციას მართავენ. ვახუშტის ხიდზე, გალაკტიონის ხიდსა და იუსტიციის სახლის მიმდებარედ მათ ბანერები გადმოფინეს, წარწერით - "შეაჩერე ძალადობა", "შეაჩერე სიღარიბე", "შეაჩერე ოკუპაცია".
აქციის ორგანიზატორი ახლადშექმნილი მოძრაობა "შეაჩერეა". ორგანიზაციის წარმომადგენლები ამბობენ, რომ ქვეყანაში სხვადასხვა მიმართულებით არსებულ მძიმე ვითარებას პერმანენტულად გააპროტესტებენ.
"ჩვენი ორგანიზაცია შეიქმნა იმისთვის, რომ პერმანენტულად გააპროტესტოს ქვეყანაში მიმდინარე მოვლენები, როგორიც არის ძალადობა, ლარის გაუფასურება. დღევანდელი ჩვენი ხელისუფლების პოლიტიკა არის ძალიან ცუდი და ვისაც უჩნდება პროტესტი ქვეყანაში მიმდინარე მოვლენებზე, ვთხოვთ რომ შემოგვიერთდნენ", - განაცხდა მოძრაობა "შეაჩერეს" წევრმა, თამარ ძაპტაშვილმა.
