კაია კალასი - “ქართული ოცნების” მიერ დემოკრატიაზე თავდასხმა სულ უფრო მძიმე ხდება
რადოსლავ სიკორსკი - შეზღუდვები უნდა დაუწესდეთ მათ, ვინც პასუხისმგებელნი არიან რეპრესიებზე და არა ქართველ ხალხს
დენის შმიგალი უკრაინის პრემიერ-მინისტრის თანამდებობიდან გადადგა
Shmyhal resigns as Ukraine's PM
ლევან ხაბეიშვილი - კობახიძემ, საზოგადოებას მიაწოდოს ინფორმაცია, რიჟვაძის მკვლელობის მცდელობის დღეს ადგილზე იყვნენ თუ არა „შს“ მინისტრი და მამუკა მდინარაძე
დონალდ ტრამპი - ვლადიმერ პუტინით იმედგაცრუებული ვარ
თიბისიმ პარტნიორი კომპანიების ფინანსური მენეჯერებისთვის ყოველწლიური ტრენინგები გამართა
სალომე ზურაბიშვილი ევროკავშირის წევრი ქვეყნების საგარეო საქმეთა მინისტრებსა და კაია კალასს - სტრატეგიული მოთმინების დრო ამოიწურა

მიხეილ დაუშვილი - ემიგრანტებს აქვთ ლეგიტიმური უფლება, გაიზარდოს მათი ხელმისაწვდომობა არჩევნებზე

02.04.2024 ნახვები: 453

ემიგრანტებს აქვთ ლეგიტიმური უფლება, გაიზარდოს მათი ხელმისაწვდომობა არჩევნებზე, ხოლო თქვენ ვალდებული ხართ ეს შეასრულოთ, გაზარდოთ ხელმისაწვდომობა არჩევნებზე, მაგრამ არ ასრულებთ, რადგან ზუსტად იცით, თუ ემიგრანტებს ექნებათ არჩევნებში მონაწილეობაზე გაზრდილი შესაძლებლობა, ეს გამოიწვევს თქვენი ძალაუფლების დაკარგვას, – ასე მიმართა „გახარია საქართველოსთვის“ წევრმა, მიხეილ დაუშვილმა უმრავლესობას პარლამენტში.

დაუშვილი მოუწოდებს ხელისუფლებას, ემიგრანტებს არჩევნებზე ხელმისაწვდომობა გაუზარდოს.

„მინდა, ჩვენს ემიგრანტებზე და მათ მიმართ „ოცნების“ დამოკიდებულებაზე ვისაუბრო. მსურს, რამდენიმე ციფრი მოგიყვანოთ: 2023 წელს 4.1 მილიარდი აშშ დოლარი, 2022 წელს 4.3 მილიარდი აშშ დოლარი, 2021 წელს 2.3 მილიარდი აშშ დოლარი, მეტს არ გავაგრძელებ. მეგობრებო, თუ იცით, ეს რა რიცხვებია. ეს ის თანხებია, რასაც ბოლო წლებია, ჩვენი ემიგრანტები ყოველწლიურად რიცხავენ საქართველოში. რომ იცოდეთ ამ ძალიან დიდ რიცხვებს ასევე ყოველწლიურად რამდენიმე ასეული მილიონი დოლარი ემატება როგორც ფულადი გზავნილები, რომლებიც არ ირიცხება ელექტრონულად, არამედ იგზავნება სხვადასხვა მეთოდებით და არ ხვდება ოფიციალურ სტატისტიკაში. ეს იცით რას ნიშნავს? ამ ქვეყნის ეკონომიკის, მათ შორის საბანკო, უძრავი ქონების, ვაჭრობის და კიდევ ბევრი სხვა სექტორის მნიშვნელოვანი ნაწილი ქვეყნიდან იძულებით, ოჯახის სარჩენად და ხშირად სესხით გაქცეული მოქალაქეების კისერზეა ჩამოკიდებული. ეს მწარე რეალობაა, რომ ეს ჩვედნი ემიგრანტები გვარჩენენ ჩვენ ყველას, თუ სწორად შევხედავთ ფაქტებს, ეს არის ჩვენი მძიმე რეალობა.

მაინტერესებს, მართლა ფიქრობთ, რომ ამ ადამიანებს იმის უფლებაც კი არ აქვთ, რომ საკუთარი გადაწყვეტილება, საკუთარი აზრი დააფიქსირონ, ხვალ როგორ ქვეყანაში უნდათ დაბრუნდნენ და იცხოვრონ? როდესაც ამ ხალხს უარს ეუბნებით უბნების დამატებაზე და დასცინით, რომ შეუძლიათ გადმოფრინდნენ, ჩარტერი დაიქირაონ და ისე მისცენ ხმა, შესაბამისად უცხადებთ, რომ მათი მოვალეობაა ბევრი იშრომონ, რათა გვარჩინონ, მაგრამ მათი საქმე არაა მათსავე ქვეყანაში როგორი მომავალი იქნება, დაბრუნებას საერთოდ შეძლებენ, თუ ვერ შეძლებენ. მთავარია, ფული გადმორიცხონ. ანუ, მათი ფული გვინდა, მათი მძიმე შრომით ნაშოვნი ფული გვინდა, მაგრამ მათი შეხედულებები, მათი გადაწყვეტილება და არჩევანი არ გვაინტერესებს.

რეალურად, ჩვენს ემიგრანტებს აქვთ ლეგიტიმური უფლება, გაიზარდოს მათი ხელმისაწვდომობა არჩევნებზე, ხოლო თქვენ ვალდებული ხართ ეს შეასრულოთ, გაზარდოთ ხელმისაწვდომობა არჩევნებზე, მაგრამ არ ასრულებთ, რადგან ზუსტად იცით, თუ ემიგრანტებს ექნებათ არჩევნებში მონაწილეობაზე გაზრდილი შესაძლებლობა, ეს გამოიწვევს თქვენი ძალაუფლების დაკარგვას. თუმცა, ერთ ფაქტორს არ ითვალისწინებთ, მათ აქვთ ძალიან დიდი რესურსი დაარწმუნონ აქ მცხოვრები თავიანთი ოჯახის წევრები რომ არსებული რეალობა შესაცვლელია. კიდევ უფრო მძიმე რეალობა რა არის იცით?! ჩვენი ქვეყნიდან იძლებით სამუშაოდ წასული ჩვენი მოქალაქეების უმძიმესი შრომით შექმნილი ეკონომიკით, რომ თქვენ ამაყობთ და მათი შეგროვებული და მნიშვნელოვანწილად მათი შექმნილი ბიუჯეტიდან კი პოლიტიკურ კორუფციას უწყობთ ხელს და აფინანსებთ, რაც იგივე ფულის მოპარვაა. ეს არის ჩვენი მწარე რეალობა და მე გირჩევთ, მოგიწოდებთ, შეასრულეთ თქვენი პასუხისმგებლობა და ამ ადამიანებს გაუზარდეთ ხელმისაწვდომობა არჩევნებზე“, – განაცხადა დაუშვილმა.

ყველას ნახვა
ყველას ნახვა