"ეს არის მოღალატეობრივი ქმედება, რასაც ესენი აკეთებენ და რასაც ესენი აქტივისტებს უკეთებენ ეს დღეები," - ამ განცხადებას პარლამენტთან აქციაზე მისული ლაზარე გრიგორიადისი აკეთებს.
როგორც გრიგორიადისი ამბობს, ხელისუფლების ძალადობრივ ქმედებებს აზრი არ აქვს, რადგან მოქალაქეები არ იღლებიან და ისევ იკრიბებიან.
"ეს არის მოღალატეობრივი ქმედება, რასაც ესენი აკეთებენ და რასაც ესენი აქტივისტებს უკეთებენ ეს დღეები. ყველა ეს კადრი არის ჩვენი ქვეყნის ღალატი და აქტივისტების მიმართ ცუდი მოპყრობა.
ავტორიტარიზმის გაძლიერებას ემსახურება ეს კანონი.
დარწმუნებული ვარ, რომ თუ ბოლომდე შეუპოვრად ვიბრძოლებთ, ჩვენ ევროკავშირის წევრები გავხდებით და მნიშვნელობა არ აქვს ხელისუფლება რა შეიძლება ქნას, დარწმუნებული ვარ, ჩვენ გავიმარჯვებთ," - ამბობს ლაზარე გრიგორიადისი.
