დონალდ ტრამპის მარცხის შემთხვევაში, ხელისუფლების მშვიდობიან გადაბარებაში დარწმუნებული არ ვარ, – ეს განცხადება აშშ-ის პრეზიდენტმა „სიბიესთან“ ინტერვიუში გააკეთა.
ეს იყო ბაიდენის პირველი ინტერვიუ მას შემდეგ, რაც ის საარჩევნო რბოლას გამოეთიშა.
„ტრამპი რასაც ამბობს იმას გულისხმობს. ჩვენ კი სერიოზულად არ აღვიქვამთ. მან თქვა, რომ თუ ის წაააგებს, ქვეყანაში სისხლისღვრა იქნება“, – განაცხადა ბაიდენმა.
ცნობისთვის, დონალდ ტრამპა მარტში აშშ-ის ავტო ნდუსტრიაზე საუბრისას განაცხადა, რომ მისი არჩევნებში წაგებას სისხლისღვრა მოჰყვება. ამ განცხადებას მწვავე კრიტიკა მოჰყვა. საპასუხოდ, ტრამპის საარჩევნო შტაბში განაცხადეს, რომ აღნიშნული განცხადება სპეციფიკურად ავტო ინდუატრიას ეხებოდა და დემოკრატებმა ის კონტექსტიდან ამოგლიჯეს, რათა პოლიტიკური დივიდენდები მიეღოთ.
