მამუკა ხაზარაძე - ფაქტების შეგროვება ყოველდღიურად მიდის

„ძლიერი საქართველოს“ ლიდერის, მამუკა ხაზარაძის განცხადებით, ოპოზიციური პარტიების ლიდერები დღეს საქართველოს პრეზიდენტთან, სალომე ზურაბიშვილთან შეხვედრას გამართავენ.

ამის შესახებ ხაზარაძემ ჟურნალისტებს ოპოზიციური პარტიების ლიდერებთან შეხვედრის დაწყებამდე განუცხადა.

მისი განმარტებით, ყოველდღიურ რეჟიმში აგროვებენ არჩევნების გაყალბების ფაქტებს.

როგორც „ძლიერი საქართველოს“ ლიდერი განმარტავს, შეხვედრები, ფაქტების შეგროვება და სხვა აქტივობა იქამდე გაგრძელდება, ვიდრე ოპოზიცია ახალი არჩევნების დანიშვნას არ მიაღწევს.

„შეხვედრები გაგრძელდება, კოორდინაცია ძალიან მნიშვნელოვანია. გვაქვს დაგეგმილი შეხვედრა პრეზიდენტთან. ყველაფერი გაგრძელდება იქამდე, ვიდრე ახალ არჩევნებს არ მივაღწევთ. ძალიან ბევრ საკითხს გავდივართ – უცხოელებთან ურთიერთობას, ამომრჩეველთან ურთიერთობას, ფაქტების შეგროვებას, რომელიც ყოველდღიურად მოდის“, – განაცხადა მამუკა ხაზარაძემ.