„სტრატეგია აღმაშენებლის" წევრის, პაატა მანჯგალაძის განცხადებით, ბადრი ჯაფარიძეს შანსი ექნება, რუსთავის მაჟორიტარულ ოლქში წარმატებას მიაღწიოს, თუ პარტიული გავლენებისგან გამოვა.
როგორც საქართველოს პირველ არხს მანჯგალაძემ განუცხადა, შუალედურ არჩევნებთან დაკავშირებით „სტრატეგია აღმაშენებელს" განსხვავებული გეგმა ჰქონდა და საკუთარი კანდიდატურის დაყენებას აპირებდა, მაგრამ ბადრი ჯაფარიძისთვის სადეპუტატო უფლებამოსილების შეწყვეტის შემდეგ, გადაწყვიტეს, რომ მხარს დაუჭერენ ბადრი ჯაფარიძის კანდიდატურას.
„ბადრი ჯაფარიძეს შანსი ექნება, რუსთავში წარმატებას მიაღწიოს, თუ პარტიული გავლენებისგან გამოვა და რუსთაველი ამომრჩევლის წინაშე წარდგება, როგორც ხალხისა და სიმართლისთვის მებრძოლი კანდიდატი. ეს ორი პირობა უნდა დააკმაყოფილოს და წარმატების შანსი ექნება. მხოლოდ „ლელოს" და „ნაციონალური მოძრაობის" პარტიულობაში არ უნდა ჩაიკეტოს. სახალხო კანდიდატი უნდა იყოს", - განაცხადა მანჯგალაძემ.
