უკრაინის პრეზიდენტი ვოლოდიმირ ზელენსკი ჩეხეთში ჩავიდა.
უკრაინული მედიის ინფორმაციით, ზელენსკისთან ერთად ჩეხეთში მისი მეუღლე – ოლენა ზელენსკაც იმყოფება.
ჩეხეთის პრეზიდენტის ადმინისტრაციამ დაადასტურა, რომ პრეზიდენტი პაველი დღეს, შუადღისას პრაღის ციხესიმაგრეში უკრაინის პრეზიდენტს, ვოლოდიმირ ზელენსკის და ოლენა ზელენსკას მიიღებს.
უკრაინის პრეზიდენტი პრაღაში ბოლოს 2023 წლის ივლისში იმყოფებოდა.
