ახლა საქართველოს ყველაზე ნაკლებად სჭირდება აჩვენოს დაპირისპირება პრეზიდენტის ადმინისტრაციასა და პარლამენტს შორის იმასთან დაკავშირებით, თუ როდის უნდა მოვიდეს პარლამენტში და როდის უნდა მოვუსმინოთ, - ამის შესახებ საქართველოს პარლამენტის ვიცე-სპიკერმა, ლევან იოსელიანმა განაცხადა.
როგორც ლევან იოსელიანმა აღნიშნა, პრეზიდენტს აქვს სურვილი, 5 მარტს წარდგეს პარლამენტის წინაშე, მას უნდა ჰქონდეს საშუალება.
„მოსაზრება იყო, რომ ეს იყოს 15 მარტს, მაგრამ მნიშვნელოვანია კონტექსტი გავითვალისწინოთ. ვინაიდან, პრეზიდენტი თვლის, რომ 5 მარტს უნდა მოვიდეს, მას ამის საშუალება უნდა ჰქონოდა. 5 მარტს რის თქმასაც აპირებდა, იმას იტყვის 15 მარტსაც. ანგარიში არ შეიცვლება. ამიტომ ვერ ვხვდები, პარლამენტის მხრიდან გაჯიუტება რას ემსახურება, რომ პრეზიდენტმა ანგარიში 5 მარტს წარადგინოს", - განაცხადა იოსელიანმა.
