აშშ-ის პრეზიდენტის, დონალდ ტრამპის მიერ ვაშინგტონში საზოგადოებრივი უსაფრთხოების საგანგებო მდგომარეობის გამოცხადების შემდეგ დედაქალაქში 23 პირი დააკავეს. ამის შესახებ თეთრ სახლში განაცხადეს.
გარდა ამისა, თეთრი სახლის პრესმდივნის, კეროლაინ ლევიტის განცხადებით, ღამის განმავლობაში პოლიციამ ექვსი ცეცხლსასროლი იარაღი ამოიღო.
ლევიტის განმარტებით, დაკავებები სხვადასხვა მიზეზით, მათ შორის მკვლელობის, იარაღის უკანონო შენახვის, ნარკოტიკების გავრცელების და მგზავრობის საფასურის გადაუხდელობის გამო მოხდა.
ამასთან, თეთრ სახლში განმარტეს, რომ მომდევნო თვის განმავლობაში დამნაშავეების დევნა და დაკავება გაგრძელდება.
ცნობისთვის, აშშ-ის პრეზიდენტმა, დონალდ ტრამპმა ვაშინგტონში ეროვნული გვარდიის განთავსების ბრძანება გასცა. ტრამპმა განაცხადა, რომ „ვაშინგტონის პოლიციის დეპარტამენტს ფედერალური კონტროლის ქვეშ მოაქცევს“ და „ვაშინგტონში კანონის, წესრიგისა და საზოგადოებრივი უსაფრთხოების აღდგენის მიზნით ეროვნულ გვარდიას განათავსებს
