წალენჯიხის მუნიციპალიტეტის ყველა ადმინისტრაციულ ერთეულამდე მისასვლელი გზა გაწმენდილია. სპეციალიზებული ტექნიკა სოფლების შიდა საუბნო გზების თოვლის საფარისგან გასუფთავების სამუშაოებს აწარმოებს. სამუშაოებს წალენჯიხის მუნიციპალიტეტის მერი გუბა საჯაია ხელმძღვანელობს.
დიდთოვლობის გამო მუნიციპალიტეტის 12 ათას აბონენტს ელექტრომომარაგება შეუწყდა. მუნიციპალიტეტის მერიის შესაბამისი სამსახურების და „ენერგო პრო ჯორჯიას“ ჯგუფების 24-საათიანი მუშაობის შედეგად ელექტრომომარაგება აღდგენილია 10 500 აბონენტისთვის, მიმდინარეობს ინტენსიური სამუშაოები ავარიულად გამორთული სხვა აბონენტების ქსელში ჩასართავად.
წალენჯიხის მერია და შესაბამისი ააიპ-ები საგანგებო რეჟიმში მუშაობენ. ამინდის გაუარესებისთანავე მერიაში შეიქმნა შესაბამისი სამსახურებით დაკომპლექტებული შტაბი და ამოქმედდა ცხელი ხაზი.
ცხელი ხაზი:599 85 71 97
599 64 70 50
