შეშფოთებული ვართ საკანონმდებლო ცვლილებებით, რომელიც ეხება უცხოურ დაფინანსებას, პოლიტიკურ აქტივობას, – ამის შესახებ ევროკომისიის წარმომადგენელმა ჟან ბატისტ ლებრამ ევროპარლამენტის საგარეო საქმეთა კომიტეტის სხდომაზე განაცხადა, სადაც საქართველოს საკითხს განიხილავენ.
მისი შეფასებით, „ეს არის სამოქალაქო და დემოკრატიული სივრცის შეზღუდვისკენ მიმართული ქმედებების ესკალაცია“.
„სამწუხაროდ, ჩვენი ანგარიშის გამოქვეყნების შემდეგ საქართველოს ხელისუფლებამ განაგრძო ჩართულობა მტრულ, ანტიევროკავშირის რიტორიკაში. ასევე მიიღო დამატებითი ზომები, რომლებიც არასწორი მიმართულებით გადადგმული ნაბიჯებია. კერძოდ, შეშფოთებული ვართ საკანონმდებლო ცვლილებების პროექტით, რომელიც ეხება უცხოურ დაფინანსებას, პოლიტიკურ აქტივობას და რომელიც საქართველოს პარლამენტში მეორე მოსმენით მიიღეს გასულ კვირას. ჩვენი შეფასებით, ეს ინიციატივა წარმოადგენს საქართველოს მთავრობის მხრიდან სამოქალაქო და დემოკრატიული სივრცის შეზღუდვისკენ მიმართული ქმედებების ესკალაციას“, – განაცხადა ჟან ბატისტ ლებრამ.
